بسم الله الرحمن الرحيم
السلام عليكم ورحمة الله وبركاته
أصبح تعدين العملات الرقميه اليوم من الموضوعات التى يهتم بها العالم كله بدون إستثناء تعالوا معاً نقوم بشرح تعدين العملات الرقميه بالتفصيل
أولاً  ماهى العملات الرقمية ؟

 العملات الرقمية اوكما يطُلق عليها العملات المشفرة هي عملات بديلة للعملات الورقية وتتميزالعملات الرقميه بسهولة التعامل بها وسرعة نقلها ودرجة التشفير والحماية العالية جداً  بمعني إستحالة تزويرها وحالياً يتعامل بها الملايين في العالم وآلاف مواقع الإستثمار والبيع والشراء والفنادق والمطاعم وخدمات تانية كثيره جداً
ثانياً ماهو  جهاز التعدين ؟

جهاز التعدين عباره عن جهاز كمبيوتر بيركب عليه أكتر من كارت شاشة (فيجا) وبتشغله لمراقبة شبكة عملة رقمية وعمليات إرسال وإستقبال العملة وأخذ أجر فى المقابل



ثالثاً ماذا أحتاج لإنشاء جهاز تعدين؟
تحتاج إلى جهاز كمبيوتر تقدر توصل عليه أكثر من كارت شاشة وباور شديد يستطيع تغذية كروت الشاشة بالكهرباء ووصلات ( رايزرات ) توصل كروت الشاشة باللوحة الأُم ( المازربورد)
رابعاً كيف أستلم أرباحى من التعدين ومن من؟
نظام العملات الرقمية بالكامل بيشتغل بشكل لا مركزي بمعنى إنه لايوجد مسؤول عن دفع ارباح  بمعنى إن أرباحك بتاخدها مقابل تشغيل جهازك في خدمة عملة رقمية  والأرباح بتتولد بشكل تلقائي من شفرة العملة علي شكل جزء من العملة دي  يعني محدش يقدر يوقفها ، وبتوصلك بإستمرار علي المحفظة التى تقوم أنت بإنشاءها بتعملها فى بداية التعدين 
أرباحك هتبقى جزء من العملة التى تقوم  بتعدنها ، وهذه العملة  لها قيمة في منصات التداول وتقدر تبدلها بعملة البتكوين أوتبيعها لأي شخص محتاجها في جروبات كثيره جداً مخصصة لبيع وشراء البتكوين والعملات الرقمية
هل جهاز التعدين محتاج سرعة نت عالية ؟ وبيصرف كهربا قد ايه ؟
 جهاز التعدين لايحتاج إلى سرعة نت عالية بمعن إن أى سرعة ممكن تشغل جهازك ، وكل كارت شاشة بيصرف كهربا من ٥٠ ل ١٠٠ جنيه شهريا تقريباً
ماهو سعر أجهزة التعدين وماهى ارباحها
لإنشاء  جهاز تعدين كويس ب ٦ كروت شاشة هيتكلف تقريباً من ٤٠ ل ٤٥ ألف جنيه والعائد الشهري من ٢٠٠ ل ٢٥٠ دولار تقريباً
هل جهاز التعدين محتاج متابعة وتفرغ كامل  ؟ وهل من الممكن ان أريح جهازي كل قد إيه ؟
 بمجرد تشغيل جهازك ويستقر أداؤه مش هتحتاج أي متابعة مجرد إنك تتابعه فقط و تتاكد إنه شغال وهتقدر تعرف مجرد ما يفصل برسالة هتوصل علي إيميلك 
 ومش محتاج تريح جهازك غير ساعة بالكتير كل اسبوع لو هتحافظ علي تهوية مناسبة للجهاز
ماهو  العمر الإفتراضي لجهاز التعدين ؟

 العمر الإفتراضي مش أقل من ٣ سنوات وأحياناً يصل ل ١٠ سنوات لبعض أجزاء الجهاز 

أجهزة التعدين Antminer أكثر من نوع و أن شاء الله تعالي سوف نقوم بحل جميع مشاكل أجهزة التعدين من نوعية Antminer رغم الصعوبة البالغة التي واجهتنا و سوف تواجهنا.
بمشيئة الله سوف يكون الشرح بمدعم بالصور و الفيديوهات للتسهيل عليكم.
في البداية ومن منك واجهه مشكله فى أجهزة التعدين يتركها لنا فى تعليق حتي يتسني لنا حل جميع مشاكل الجهاز
ونحن سوف نقوم بعرض المشاكل التي إكتشفناها حتي الآن


مشاركة

التعليقات : 0

إرسال تعليق